Pavodle infarmacyi «Našaj Nivy», zatrymany kalektyŭ barabanščykaŭ «Patrabujem razyścisia», jaki davaŭ kancerty ŭ dvarach u roznych rajonach Minska.
Zatrymanyja nie mienš za 10 čałaviek, pra heta «Našaj Nivie» paviedamiŭ siabra adnaho z zatrymanych — toj paśpieŭ pazvanić. Chłopcy źbiralisia na repietycyju.
Adnačasova siońnia ŭ roznych rajonach Minska zatrymali jašče niekalki muzykaŭ, jakija davali dvarovyja kancerty. Siarod ich Suładze Cimate (zatrymany ŭ Sucharava), Kamianiecki Mikita (u Malinaŭcy).
Učora byli zatrymanyja muzyki hurtoŭ Vuraj, TonqiXod i Dee Tree.
Siońnia prosta z pracoŭnaha miesca zabrali dvuch artystaŭ Fiłarmonii, a raniej sudzili dźviuch žančyn-dyryžoraŭ.
Usiaho kolkaść represavanych u Biełarusi nabližajecca da 20 tysiač. Tak łukašenkaŭcy adkazali na pratesty suprać falsifikacyj i nasilla. Standartnaje abvinavačvańnie — udzieł u niesankcyjanavanych mierapryjemstvach abo niepadparadkavańnie milicyi. Zaviali taksama kala 700 kryminalnych spraŭ, fihurantami jakich, vierahodna, stali abo stanuć niekalki tysiač čałaviek.
