Abodva kandydaty na pasadu prezidenta ZŠA Donald Tramp i Džo Bajden abviaścili pra svaju pieramohu, adnak padlik u niekalkich klučavych štatach zaciahnuŭsia. Kab pieramahčy, treba nabrać 270 hałasoŭ u Kalehii vybarščykaŭ.
Pryčym ŚMI pakul dajuć roznyja prahnozy pa hałasach vybarščykaŭ. CNN daje Bajdenu — 224 hałasy, Trampu — 213. FoxNews: Bajden — 238, Tramp — 213. NY Times — 227 i 213.
Kali raskład pa kolkaści hałasoŭ nie mocna źmienicca ŭ štatach, dzie nie da kanca padličanyja hałasy, to Donald Tramp pieramahaje na vybarach.
Jon vyjhraje 3 hałasy ad Alaski, 20 — ad Piensilvanii, 16 — ad Mičyhana, 15 — ad Paŭnočnaj Karaliny, 16 ad Džordžyi. Praŭda, u dvuch apošnich štatach roźnica składaje dziasiatyja pracenta, i moža schilicca ŭ luby bok.
Bajden papiarednie lidziruje ŭ troch štatach, dzie zychod hałasavańnia jašče nie zrazumieły — Aryzonie (11 hałasoŭ), Nievadzie (6 vybarščykaŭ) i Viskonsinie (10 hałasoŭ).
Pa ahulnaj kolkaści hałasoŭ, addadzienych za kožnaha z kandydataŭ, taksama lidziruje Bajden. Jon zaručyŭsia padtrymkaj 68,1 młn vybarščykaŭ (50%), Tramp — 66,05 młn (48,4%).
Adnak niekatoryja štaty zajavili, što kančatkovyja vyniki buduć u čaćvier i piatnicu. Taksama paviedamlajecca, što nie ŭličanyja hałasy, addadzienyja pa pošcie, a tam prahałasavali 97 młn.
