Sud Savieckaha rajona aštrafavaŭ na 810 rubloŭ (30 bazavych vieličyniaŭ) dyryžorku Halinu Kazimiroŭskuju, žonku Źmitra Vajciuškieviča, piša «Radyjo Svaboda».
Adnak Źmicier i advakat nie viedajuć, ci vyzvalać siońnia Halinu. «Jedziem ciapier u Centralny rajsud, tam moža być novy praces», — skazała abaronca.
Halinu zatrymali 29 kastryčnika. Uvieś hety čas jana znachodziłasia ŭ IČU na Akreścina.
Na jaje skłali jašče adzin pratakoł pavodle artykuła 23.34.
«Učora ŭ CIP na Akreścina mianie nie vypuścili, a pierazatrymali pavodle pratakoła, składzienaha milicyjantami z Centralnaha RUUS», — paviedamiła praź videasuviaź Halina. Jaje pačali sudzić u Savieckim rajsudzie za ŭdzieł u «Maršy narodnaha ŭltymatumu» 25 kastryčnika.
Halina Kazimiroŭskaja bolš za dziesiać hadoŭ źjaŭlajecca dyryžoram amatarskaha choru Concordia, udzielničała ŭ vydańni zbornika «Hodnyja pieśni».
