Jašče šeść akcioraŭ zvolnili 30 kastryčnika z trupy Hrodzienskaha abłasnoha dramatyčnaha teatra. Siarod ich Vasil Minič, jaki zadziejničany ŭ bolšaści śpiektaklaŭ. Jak teatr budzie pracavać paśla zvalnieńnia artystaŭ, nieviadoma, piša hrodna.life.
Siarod zvolnienych 30 kastryčnika — Anastasija Mučko, Alaksandr Dziamjanaŭ, Nateła Białuhina, Maryja Mialeška, Maryja Butrymovič i Vasil Minič. Apošni zadziejničany ŭ bolšaści pastanovak.
Jak teatr budzie pracavać biez akcioraŭ, daviedacca nie atrymałasia: u pryjomnaj dyrektara Ihara Hiedziča nie źniali słuchaŭku.
Jašče dva supracoŭniki teatra dałučylisia da strajku — artystka arkiestra Palina Levina i akcior Alaksiej Stanoha.
29 kastryčnika stała viadoma pra zvalnieńnie Valanciny Charytonavaj i Natalli Lavonavaj. 28 kastryčnika zvolnili dvuch režysioraŭ teatra — Hienadzia Mušpierta i Siarhieja Kurylenku. Napiaredadni 11 artystaŭ teatra zapisali videazvarot i dałučylisia da strajku. 20 vieraśnia zvolnili Ihara Ułanava, viadučaha majstra sceny, paśla admovy padpisać tłumačalnuju zapisku z nahody spynienaha 20 vieraśnia śpiektakla.
