Status historyka-kulturnaj kaštoŭnaści Respubliki Biełaruś 2 katehoryi (nacyjanalnaje značeńnie) prysvojeny šlemu, znojdzienamu ŭ Babrujsku, paviedamlaje «Interfaks» sa spasynkaj na sajt Mahiloŭskaha abłvykankama.
Takoje rašeńnie pryniata ŭ kastryčniku na pasiadžeńni Biełaruskaj respublikanskaj navukova-mietadyčnaj rady pa pytańniach historyka-kulturnaj spadčyny pry Ministerstvie kultury.
Šlem znajšli ŭ krasaviku minułaha hoda padčas rabot pa pahłybleńni dna raki ŭ zatoku pravaha bieraha Biareziny. Rabočy Uładzimir Bałynda, jaki znajšoŭ rarytet, pieradaŭ ekspanat u Babrujski krajaznaŭčy muziej.
Babrujski šlem — pomnik zbrojevaha mastactva Ch — pačatku CHI st. Na ziemlach Centralnaj i Uschodniaj Jeŭropy (Polšča, Rasija, Ukraina) zafiksavana bolš za 30 šlemaŭ dadzienaha typu i ich frahmientaŭ. Na terytoryi Biełarusi padobny pradmiet znojdzieny ŭpieršyniu.
