Pjany minčuk na vulicy pahražaŭ pistaletam siamji ź dziciem, paviedamlaje MUS.
Incydent adbyŭsia dniom 25 kastryčnika ŭ Minsku na vulicy Kuncaŭščyna paśla taho, jak minak umiašaŭsia ŭ kanflikt pamiž paraj i sprabavaŭ abaranić žančynu. U adkaz mužčyna dastaŭ pistalet, nakiravaŭ jaho na siamju minaka, a zatym pasprabavaŭ źbiehčy. Na miesca vyklikali milicyju.
Pry sprobie źbiehčy 39-hadovy minčuk vykinuŭ pnieŭmatyčny pistalet u kusty. U jaho kurtcy pravaachoŭniki znajšli nož.
Śledčyja raspačali kryminalnuju spravu za asabliva złosnaje chulihanstva.
0
0
0
0
0
0
