Były palitviazień, palittechnołah Vital Šklaraŭ užo viarnuŭsia ŭ ZŠA, ciapier jon u Vašynhtonie.
Z našych krynic viadoma, što 26 kastryčnika Šklarava zabrali supracoŭniki pasolstva ZŠA z centralnaha budynka Śledčaha kamiteta, kudy palitviazień pryjšoŭ pisać chadajnictva ab vyjeździe za miažu dla lačeńnia i ŭźjadnańnia ź siamjoj.
Supracoŭniki pasolstva advieźli Šklarava ŭ Kijeŭ, a ŭžo adtul transpartnym samalotam jon dabraŭsia da Vašynhtona. Ciapier znachodzicca ŭ kardyjałahičnym adździaleńni balnicy, nibyta adčuvaje siabie narmalna, a špitalizacyja nieabchodnaja, kab minimizavać nastupstvy karanavirusa, jaki jon pieranios u źniavoleńni.
Vital Šklaraŭ — uradženiec Biełarusi, ale hramadzianin ZŠA. Ab jaho vyzvaleńni išła razmova padčas telefonnaha zvanka dziaržasakratara Pampiea Alaksandru Łukašenku. U źniavoleńni Šklaraŭ znachodziŭsia ad kanca lipienia. Byŭ adnym z udzielnikaŭ sustrečy Alaksandra Łukašenki z palitviaźniami ŭ SIZA KDB.
