U Biełarusi z 1 listapada vyrastuć minimalnyja pracoŭnyja i sacyjalnyja piensii, jakija pryviazanyja da pamieru biudžetu pražytačnaha minimumu. Hety pakazčyk z nastupnaha miesiaca pavialičycca da 258,11 rubla (ciapier — 256,1).
Tak, sacyjalnaja piensija pa ŭzroście, jakuju mužčynam pryznačajuć u 65 hadoŭ, a žančynam — u 60 hadoŭ, z 1 listapada vyraście na 1,01 rubla — da 129,06 rubla. U pieraliku pa aficyjnym kursie dalara Nacbanka na 28 kastryčnika (2,5534 rubla) hetaja suma raŭniajecca amal 51 dalaru.
Z 1 listapada taksama padymuć nadbaŭki, pavyšeńni da piensij i dapłaty biełarusam 75 hadoŭ i starejšym, jakija atrymlivajuć piensii ŭ orhanach pa pracy, zaniataści i sacabaronie, a taksama dapamohi pa dohladzie invalida I hrupy albo za asobaj, jakaja dasiahnuła 80-hadovaha ŭzrostu.
