Usiebiełaruski narodny schod pavinien stać placoŭkaj dla realnaha dyjałohu pa vypracoŭcy stratehii raźvićcia krainy. Pra heta Alaksandr Łukašenka zajaviŭ siońnia na naradzie pa padrychtoŭcy šostaha «Usiebiełaruskaha narodnaha schodu», piša BiełTA.
Adno z važnych pytańniaŭ — padviadzieńnie vynikaŭ sacyjalna-ekanamičnaha raźvićcia krainy za apošnija 5 hadoŭ. «Klučavoj zadačaj, jakuju nam varta pastavić pierad udzielnikami schodu, źjaŭlajecca vypracoŭka sučasnych, efiektyŭnych i realna dziejučych miechanizmaŭ, jakija dapamohuć nam vyrašyć prablemy, jakija strymlivajuć ekanamičny rost», — skazaŭ Alaksandr Łukašenka.
Asablivuju ŭvahu, pa jaho słovach, nieabchodna nadać pytańni abrańnia delehataŭ schodu. «Tut pavinny być pradstaŭniki absalutna ŭsich słajoŭ hramadstva, jakija chočuć niešta skazać, chočuć być pačutymi i ŭmiejuć słuchać, usich sacyjalnych i prafiesijnych hrup, hramadskich arhanizacyj, deputaty ŭsich uzroŭniaŭ. Nie tolki kiraŭniki, ale i ludzi ad stanka, ad ziamli, jakija niepasredna viedajuć i adčuvajuć usie prablemy prostaha čałavieka», — padkreśliŭ Łukašenka
— Heta pavinien być realny dyjałoh pa vypracoŭcy stratehii raźvićcia krainy. Chaj ludzi adkryta kažuć, abmiarkoŭvajuć — prymiem rašeńni i budziem pa ich žyć».
