Siońnia ranicaj u łancuhu salidarnaści na praśpiekcie Dziaržynskaha ŭ Minsku zatrymali dzieviać miedykaŭ RNPC «Kardyjałohija». Pra heta Tut.by paviedamili sami supracoŭniki kliniki.
Siońnia ranicaj pierad pracaj miedyki RNPC «Kardyjałohija» vyjšli na łancuh salidarnaści na praśpiekcie Dziaržynskaha — heta niedaloka ad samoha RNPC. Pa słovach daktaroŭ, ich tam było 20—25 čałaviek. U niejki momant da prysutnych padjechali mikraaŭtobusy, častka miedykaŭ paśpieli ŭciačy i schavacca ŭ pierachodzie.
Zatrymanyja
zahadčyk renthienapieracyjnaj RNPC «Kardyjałohija» Aleh Pałaniecki (unikalny śpiecyjalist),
kardyjachirurh Uładzimir Andruščuk,
zahadčyca adździaleńnia kampjutarnaj tamahrafii Irynu Hajdal, renthienendavaskularny chirurh Maksim Cybulski,
aniestezijołahi-reanimatołahi Andrej Bury,
Dźmitry Čukłaj,
Jaŭhien Pałojka,
Alena Čajkoŭskaja,
Kaciaryna Žukaviec.
Aleh Pałaniecki na fota sprava, Tut.by
— Na dadzieny momant zabłakavanaja praca adździaleńnia rienthiendasvakularnoj chirurhii, jakoje zajmajecca akazańniem dapamohi ekstranym pacyjentam ź infarktam mijakarda. Zabłakavanaja mahčymaść ekstranaj dyjahnostyki i lačeńnia krytyčnych situacyj paślaapieracyjnych uskładnieńniaŭ, — kažuć miedyki RNPC.
