Namiery pratestoŭcaŭ nie ździejśnilisia, zajaviŭ u efiry BT-1 načalnik minskaj milicyi Ivan Kubrakoŭ.
«Siońnia ŭ stalicu źjechalisia bolš ahresiŭnyja i aktyŭnyja pratestoŭcy. Meta ich była adna — zaniać centr horada Minska, a kali skazać dakładna, to mienavita praśpiekt Niezaležnaści z usimi jaho płoščami. Adnak, namiery pratestoŭcaŭ nie ździejśnilisia. Supracoŭniki orhanaŭ unutranych spraŭ trymali ŭsio pad kantrolem i natoŭp pratestoŭcaŭ nie zajšoŭ na terytoryju praśpiekta Niezaležnaści», — skazaŭ Ivan Kubrakoŭ.
«Zatym natoŭp rušyŭ u spalnyja rajony. Supracoŭnikami orhanaŭ unutranych spraŭ byli pryniatyja miery pa spynieńni supraćpraŭnych dziejańniaŭ. Zatym pratestoŭcy napali na Centralnaje RUUS horada Minska», — śćviardžaje načalnik.
Varta adznačyć, što žurnalisty nijakaha napadu na RUUS nie zafiksavali.