Prezident Azierbajdžana Ilcham Alijeŭ zajaviŭ pra hatoŭnaść da dasiahnieńnia novaha pahadnieńnia ab pieramirji ŭ Karabachu, adnak Armienija pavinna paćvierdzić prychilnaść bazavym pryncypam urehulavańnia karabachskaha kanfliktu. Pra heta paviedamlaje Fox News.
«Tak, my hatovyja. Ja nieadnarazova adkryta kazaŭ pra heta. My hatovyja siońnia ŭzhadnić spynieńnie ahniu. Ale pry hetym Armienija, jaje premjer-ministr pavinny skazać, što jany addanyja bazavym pryncypam, raspracavanym Złučanymi Štatami Amieryki, Rasijaj i Francyjaj», — skazaŭ kiraŭnik Azierbajdžana.
Jon nahadaŭ, što dva dni tamu premjer Armienii Nikoł Pašynian paviedamiŭ, što kanflikt u Karabachu nie maje dypłamatyčnaha raźviazańnia.
Alijeŭ padkreśliŭ, što Baku vystupaje za spynieńnie ahniu i viartańnia svaich ziamiel.
