Pra vypadak piša ŭ svaim telehram-kanale SK.
37-hadovy mahiloviec zarehistravaŭsia na sajcie nibyta Fondu abarony piersanalnych źviestak. Arhanizacyja prapanoŭvała ŭsim achvotnym prajści praceduru pravierki na pradmiet uciečki svaich asabistych źviestak u internet.
Vynik «pravierki» afarmlaŭsia spravazdačaj, dzie pakazvałasia, jakaja mienavita asabistaja infarmacyja vykarystoŭvałasia trecimi asobami, a taksama mahčymaść atrymańnia ŭ suviazi z hetym hrašovaj kampiensacyi.
Paciarpiełamu paviedamili, što ŭ suviazi z uciečkaj jaho asabistych źviestak jamu budzie kampiensacyja bolš za 1200 dalaraŭ ZŠA, adnak dla hetaha nieabchodna apłacić strachoŭku i inšyja pasłuhi, źviazanyja ź pieravodam na jaho rachunak hrošaj.
U vyniku mužčyna pieravioŭ nieviadomaj asobie bolš za 300 rubloŭ, paśla čaho ź im pierastali vychodzić na suviaź.
Zaviedziena kryminalnaja sprava pa č. 1 art. 209 (machlarstva) Kryminalnaha kodeksa.
Śledčyja nahadvajuć hramadzianam ab nieabchodnaści być bolš pilnymi i nie paddavacca na chitryki ašukancaŭ!
