Naŭrad ci niejkaja treciaja kraina moža dasiahnuć u adnosinach ź Biełaruśsiu toj hłybini, jakaja jość u Maskvy i Minska. Takoje mierkavańnie vykazaŭ pres-sakratar Pucina Dźmitryj Piaskoŭ, piša TASS.
«Sutnaść kankurencyi zaklučajecca ŭ tym, što kali niejkaja kraina hatovaja, naprykład, prapanavać Biełarusi takoje ž supracoŭnictva ekanamičnaje, takija ž adnosiny ŭzajemazaležnaści i ŭzajemnaj vyhady, jak Rasijskaja Fiederacyja, tady — tak, jość šaniec na toje, kab u hetaj kankurencyi zajmać niejkija lidzirujučyja pazicyi. Ale ź inšaha boku, vy ž vydatna viedajecie ŭsiu hłybiniu sajuźnickich adnosin va ŭsich płanach Maskvy i Minska. Ciapier da hetaha ŭzroŭniu naŭrad ci niejkaja z krain moža padniacca», — skazaŭ jon.
Pradstaŭnik Kramla adznačyŭ, što na fonie padziej u Biełarusi aktyŭna ŭ tak zvanuju krainavuju kankurencyju ŭklučyłasia Polšča. «Vy viedajecie, jak aktyŭna siabie pavodziła Varšava na fonie padziej, jakija mieli miesca ŭ Biełarusi, vy viedajecie, jak Varšava haścinna stavicca da roznych hastraloraŭ, jakija ŭ tych krajach ładziać hastroli, ja maju na ŭvazie hastraloraŭ, jakija pakinuli Biełaruś», — adznačyŭ jon.
Krainy Jeŭropy sami pazbavili siabie mahčymaści vieści kanstruktyŭny dyjałoh ź Biełaruśsiu, nazvaŭšy Łukašenku nielehitymnym, zajaviŭ pres-sakratar prezidenta Rasii.
«Vy nie možacie kanstruktyŭna mieć znosiny z krainaj, kali vy abviaścili sankcyi nie tolki suprać krainy, ale i suprać členaŭ vyšejšaha kiraŭnictva. Jeŭrapiejskija krainy spačatku sami pazbavili siabie hetaj mahčymaści, i ciapier, jak jany źbirajucca dapamahać biełaruskamu narodu, ciažka sabie ŭjavić», — skazaŭ Piaskoŭ.
Pradstaŭnik Kramla pahadziŭsia, što Łukašenku nieabchodna samastojna vyrašyć unutrany palityčny kryzis u krainie.
«Prezident Pucin vielmi ŭvažliva padychodzić da taho, kab niešta nie ŭsprymałasia jak sproba paŭpłyvać na zakonnaha prezidenta Biełarusi. U rešcie rešt, dla Pucina i dla Rasii hałoŭnaje — heta nie adnosiny dvuch prezidentaŭ, nie adnosiny asabista z Łukašenkam. Hałoŭnaje — heta adnosiny z bratnim dla nas biełaruskim narodam», — zajaviŭ Piaskoŭ.
Pres-sakratar taksama dadaŭ, što «jość peŭnyja sajuźnickija abaviazacielstvy, jakija źjaŭlajucca dobraj dapamohaj dla Minska ŭ hetaj situacyi».
