Papa Rymski Francysk zajaviŭ, što adnapołyja pary pavinny mieć mahčymaść žyć u hramadzianskich sajuzach, piša VVS.
Hetyja słovy Francyska, na dumku kamientataraŭ, źjaŭlajucca samym jasnym u historyi carkvy kamientarom Śviatoha Prastoła na temu adnapołych adnosin.
«Homaseksualnyja ludzi majuć prava być u siamji. Jany — dzieci Božyja, i ŭ ich jość prava na siamju. Nikoha nielha z-za hetaha vyklučać abo prymušać pakutavać», — zajaviŭ Papa Francysk.
«Nam treba vydać zakony ab hramadzianskim sajuzie. Takim čynam jany buduć jurydyčna abaronienyja», — dadaŭ pantyfik.
Ale ci sapraŭdy heta fundamientalnaje źmianieńnie pohladaŭ pantyfika — ci, chutčej, niečakanaja zajava lidara Katalickaj Carkvy, jaki, jak viadoma, prymiaraŭsia da libieralnych nastrojaŭ u minułym, tolki kab viarnucca da tradycyjnaj daktryny, kali dachodzić da spravy?
Byŭšy arcybiskupam Buenas-Ajresa da taho, jak stać Papam, jon byŭ pierakananym praciŭnikam adnapołych šlubaŭ, jakija byli lehalizavanyja ŭ Arhiencinie ŭ 2010 hodzie, i zamiest hetaha vystupaŭ za hramadzianskija sajuzy dla hamaseksualistaŭ.
Pieršy vystup Papy ŭ padtrymku, niesumnienna, budzie vitacca mnohimi ŭ libieralnym kryle carkvy. Ale kožnaje istotnaje źmianieńnie daktryny pa takim pytańni, jak praviła, budzie pradstaŭlena bolš farmalna i paśla doŭhich unutranych debataŭ. Pakul niama nijakich prykmiet taho, što heta niepaźbiežna.
