Atručeńnie Alaksieja Navalnaha mahło być arhanizavana nie z metaj zabić apazicyjaniera, a dla taho, kab prymusić jaho pakinuć krainu. Da hetaj vysnovy pryjšli zachodnija śpiecsłužby, piša The Guardian.
«Vybar «Navička» byŭ naŭmysny. FSB kantraluje samyja roznyja jady, mnohija ź jakich zastajucca zasakrečanyja. [Surazmoŭcy] padkreślili, što kali b FSB chacieła zabić Navalnaha, jana mahła b heta zrabić», — piša vydańnie.
Dźvie krynicy vydańnia zajavili, što zachodnija śpiecsłužby ličać, što za atručvańniem staić Druhaja słužba FSB (Słužba pa abaronie kanstytucyjnaha ładu i baraćbie z teraryzmam). «Jany miarkujuć, što apieracyja była raspracavana nie dla taho, kab zabić Navalnaha, a dla taho, kab zrabić jamu niedvuchsensoŭnaje papiaredžańnie i prymusić jaho pakinuć krainu», — pieradaje hazieta ich słovy.
