Prakuratura Frunzienskaha rajona Minska vyniesła pradpisańnie staršyni tavarystva adnaho z damoŭ žyłoha kompleksu «Kaskad» i vystaviła rachunak za źniaćcie bieł-čyrvona-biełych ściahoŭ słužbaj MNS. Miascovyja žychary ličać, što heta nonsens, bo samo parušeńnie nie zafiksavana, piša Tut.by.
Zahad ab likvidacyi parušeńniaŭ zakanadaŭstva ab architekturnaj, horadabudaŭničaj i budaŭničaj dziejnaści vypisali 12 kastryčnika.
U dakumiencie skazana, što prakuratura Frunzienskaha rajona ŭstanaviła, što 27 i 29 vieraśnia, a taksama 2 kastryčnika pamiž damami 4B i 4D pa vulicy Skryhanava «raźmiaščaŭsia bieł-čyrvona-bieły ściah». Heta śviedčyć, što tavarystva ŭłaśnikaŭ nie padtrymlivaje architekturnaje abličča žyłoha doma ŭ adpaviednaści z prajektnaj dakumientacyjaj, ličać u prakuratury.
Kanstrukcyi, jakija nie praduhledžany prajektam, nieabchodna było apieratyŭna demantavać. «Dla likvidacyi parušeńniaŭ zakanadaŭstva, demantažu ściaha zadziejničany siły i srodki Frunzienskaha RANS, jakim paniesieny vydatki ŭ pamiery 176,32 rub.», — skazana ŭ liście.
Vydatki na «likvidacyju parušeńniaŭ» prakuratura patrabuje pakryć, a taksama pryniać miery pa vykanańni zakona.
