Pa słovach vysokapastaŭlenaha dypłamata Vatykana, brytanskaha arcybiskupa Poła Hałachiera, mitrapalit Tadevuš Kandrusievič u najbližejšy čas naŭrad ci vierniecca ŭ Biełaruś, paviedamlaje katalickaje vydańnie Cruxnow.
«My sprabavali dakazać, što ŭ intaresach usich, kaścioła i dziaržavy, kab jamu było dazvolena viarnucca ŭ krainu», — skazaŭ brytanski arcybiskup Poł Hałachier.
Hałachier skazaŭ, što abmiežavańni, jakija biełaruskija ŭłady pasprabujuć nakłaści ŭ jakaści ŭmovy viartańnia 74-hadovaha arcybiskupa, jaki pražyvaje ciapier u Polščy, naŭrad ci buduć prymalnymi.
Na pytańnie, ci moža Kandrusievič stać «biskupam u vyhnańni», jak Iosif Ślipyj, jaki kiravaŭ Ukrainskaj hreka-katalickaj carkvoj z Ryma z 1963 hoda da 1984 hoda, Hałachier adkazaŭ: «Hetaha nielha vyklučać».
