minsk-region.gov.by
Namieśnik staršyni Savieta Respubliki Anatol Isačanka syšoŭ na samaizalacyju z-za COVID-19, pra heta jon paviedamiŭ u svaim akaŭncie ŭ Facebook u piatnicu, piša Interfaks.
«Ciapier znachodžusia na samaizalacyi i nie mahu nie źviarnucca da vas. Na žal, druhaja chvala COVID nie prymusiła siabie čakać», — napisaŭ Isačanka.
Čynoŭnik padkreśliŭ, što hałoŭnaja zadača ciapier dla ŭsich —zaścierahčy siabie, rodnych i blizkich.
«Heta asabistaja adkaznaść i dyscyplina kožnaha z nas! Naša dobrasumlennaje staŭleńnie da siabie nie tolki ŭratuje nam zdaroŭje, ale budzie dobraj padtrymkaj i dapamohaj dla daktaroŭ», - adznačyŭ jon i zaklikaŭ usich vykonvać dystancyju, myć ruki i nasić maski.
Jak paviedamlałasia, na hetym tydni karanavirus dyjahnastavali i ŭ deputata Andreja Savinych.