Navukoŭcy Prynstanskaha ŭniviersiteta, Univiersiteta Džonsa Chopkinsa i Kalifarnijskaha ŭniviersiteta vyśvietlili, što ŭ raspaŭsiudzie karanavirusa va ŭsim śviecie vialikuju rolu adyhrali dzieci i moładź, jakija składajuć tolki nievialiki pracent siarod tych, chto zaraziŭsia. Pra heta havorycca ŭ artykule, apublikavanym u časopisie Science, piša RBK.
Daśledniki praanalizavali 85 tys. vypadkaŭ zaražeńnia COVID-19 siarod 575 tys. čałaviek u dvuch štatach na paŭdniovym uschodzie Indyi. Jany vyśvietlili, što siarod infikavanych 71% u vyniku nikoha nie zaraziŭ, u toj čas jak 8% chvorych vyklikali 60% novych vypadkaŭ zaražeńnia.
Hałoŭnymi raspaŭsiudžvalnikami karanavirusa navukoŭcy nazvali dziaciej i maładych ludziej, na dolu jakich prypadaje tracina razhledžanych vypadkaŭ COVID-19.
«Dzieci — vielmi efiektyŭnyja pieradatčyki ŭ hetaj abstanoŭcy, što nie było jasna dakazana ŭ papiarednich daśledavańniach. My vyjavili, što vypadki zaražeńnia i śmierci [ad karanavirusa] akazalisia bolš skancentravanyja ŭ bolš maładych hrupach, čym my čakali, kali zasnoŭvalisia na nazirańniach u krainach z bolš vysokimi dachodami», — skazaŭ viadučy daślednik, staršy navukovy supracoŭnik Prynstanskaha instytuta navakolnaha asiarodździa Ramanan Łakšmi-Narajan.
Daśledniki taksama vyśvietlili, što va ŭsich uzrostavych hrupach samy vysoki šaniec zarazicca karanavirusam byŭ ad čałavieka svajho ŭzrostu. Siarod dziaciej i moładzi hety ryzyka akazałasia samaj vialikaj.
Dzieci nie ŭvachodziać u hrupu ryzyki pa COVID-19 i čaściej za ŭsio lohka pieranosiać zachvorvańnie. U toj ža čas virus u ich arhaniźmie zatrymlivajecca na bolšy čas, čym u darosłych, i dzieci daŭžej zastajucca raznosčykami COVID-19.
