Novaja karanavirusnaja infiekcyja moža transfarmavacca ŭ 10 roznych form, kab lahčej pratačycca ŭ arhanizm. Pra heta daviedalisia brytanskija navukoŭcy ź Instytuta Frensisa Kryka, piša RBK.
Supracoŭniki Instytuta vyśvietlili, što šypy COVID-19 mohuć źmianiacca i stanavicca bolš učepistymi. Dziakujučy im, virus zdolny lepš źviazvacca ź białkom ACE2, jaki znachodzicca na źniešniaj častcy kletak čałavieka. Akramia taho, z dapamohaj svaich šypoŭ karanavirus traplaje ŭ arhanizm.
«Heta vielmi składany praces uzajemasuviazi receptaraŭ virusa i zdarovaj kletki ŭ paraŭnańni z bolšaściu virusnych białkoŭ. Hryp i VIČ majuć bolš prosty praces aktyvacyi», — zajaviŭ adzin z aŭtaraŭ daśledavańnia, navukovy supracoŭnik łabaratoryi ŭniviersiteta Donald Bientan.
Akramia hetaha, u časie daśledavańnia brytanskija navukoŭcy daviedalisia, što COVID-19 za chvilinu mianiaje svaje šypy ŭ łabaratornych umovach. Pry hetym praces idzie pavolniej ŭ realnym žyćci.
Va ŭniviersitecie rastłumačyli, što karanavirus muciruje dla taho, kab abaranić siabie ad uździejańnia antyciełaŭ arhanizma. Navukoŭcy ličać, što heta adkryćcio zdolna dać bolš infarmacyi ab tym, čamu COVID-19 nastolki zarazny.