Eks-pasoł Biełarusi ŭ Słavakii Ihar Laščenia raskazaŭ u hutarcy sa «Svabodaj» pra toje, jak pryniaŭ rašeńnie padtrymać mirnyja pratesty, kali skončacca čystki ŭ MZS, čamu jon i inšyja čynoŭniki nie ŭvajšli ŭ Kaardynacyjnuju radu i navošta ŭłady niasłaviać bieł-čyrvona-bieły ściah.
Ihara Laščeniu zvolnili z pasady Nadzvyčajnaha i paŭnamocnaha pasła Biełarusi ŭ Słavakii 24 žniŭnia — ukaz padpisaŭ Alaksandr Łukašenka.
«Ja salidarny z tymi, chto vychodziŭ na vulicy haradoŭ ź mirnymi šeściami, kab ich hołas byŭ pačuty. Jak uradženiec Žodzina, ja z vami, rabočyja BiełAZa i zavoda ciažkich štampovak», — skazaŭ Lašhenia ŭ admysłovym videazvarocie.
Heta byŭ pieršy pasoł Biełarusi, jaki padtrymaŭ pratestoŭcaŭ. Ihar Laščenia adznačyŭ, što jon byŭ u šoku ad historyj pra katavańni i źbićcio hramadzianaŭ jaho krainy.
