Puł pieršaj
U telehram-kanale Śviatłany Cichanoŭskaj raspaviadajecca pra sustreču ŭ Vilni z prezidentam Francyi Emaniuelem Makronam. Darečy, siońnia Makron lacić u Łatviju, tam taksama budzie ŭzdymacca pytańnie Biełarusi.
Śviatłana Cichanoŭskaja ad imia biełaruskaha naroda padziakavała Makronu za jaho publičnaje vykazvańnie ab niepryznańni lehitymnaści Łukašenki. Padtrymka Francyi jak krainy, jakaja ŭsiu svaju historyju zmahałasia za demakratyju, vielmi kaštoŭnaja dla Biełarusi, adznačaje «Puł pieršaj».
Taksama Śviatłana Cichanoŭskaja zajaviła, što biełaruski narod vystupaje za praviadzieńnie novych vybaraŭ sioleta. Mienavita vybary pavinny być temaj mižnarodnych pieramoŭ, i ABSIE — najlepšaja płatforma dla takich pieramoŭ.
Śviatłana Cichanoŭskaja padkreśliła, što hatovaja razmaŭlać z usimi bakami — u tym liku z Rasijaj — ab arhanizacyi pieramovaŭ i vychadzie Biełarusi z kryzisu.
«Na konie — čałaviečyja žyćci. Čym daŭžej my apuskajemsia ŭ kryzis, tym bolš jon zabiraje achviar. Tamu my zacikaŭleny prystupić da pieramovaŭ jak maha chutčej. I ja ŭdziačnaja Francyi za akazanuju ŭvahu. Emaniuel Makron vydatna infarmavany pra biełaruskuju situacyju, sočyć za padziejami i padtrymlivaje biełarusaŭ u našaj baraćbie za svabodu».
