Pryčyna — niazhoda z palityčnaj situacyjaj unutry Biełarusi. Pakul jon nie zvolnieny. Pra heta «NN» paviedamili niekalki krynic, jakija nijak miž saboj nie źviazanyja.
Uładzimir Astapienka. Fota ctv.by.
Uładzimiru Astapienku 58 hadoŭ, jon adzin z najbolš daśviedčanych dypłamataŭ Biełarusi. Jon skončyŭ maskoŭski MDIMA (MHIMO) jašče ŭ 1985 hodzie, paśla čaho pačaŭ pracu ŭ MZS BSSR.
U pieršyja hady niezaležnaści Astapienka byŭ namieśnikam ministra zamiežnych spraŭ Biełarusi. Papracavaŭ u pasolstvach Biełarusi ŭ Niderłandach i Bielhii. Potym doŭhi čas pry Alaksandru Kazulinu byŭ prarektaram BDU pa mižnarodnaj dziejnaści.
Z 2008 pa 2015 byŭ pasłom Biełarusi na Kubie. U 2017 pryznačany pradstaŭnikom našaj krainy ŭ Arhiencinie. Vałodaje anhlijskaj, ispanskaj i polskaj movami.
Raniej pasady pasłoŭ Biełarusi pa palityčnych pierakanańniach pakinuli Ihar Laščenia (Słavakija), Pavieł Pustavy (Ispanija). Taksama byŭ zvolnieny pasoł Biełarusi ŭ Łatvii Vasil Markovič. Chutčej za ŭsio, heta było źviazana z tym, što mnohija supracoŭniki łatvijskaha pasolstva asudzili hvałt i falsifikacyi vybaraŭ. Taksama dypłamatyčnaha ranhu byŭ pazbaŭleny Pavieł Łatuška.
