Pravaabaronca «Viasny» Marfa Rabkova pryznanaja palityčnaj źniavolenaj.
17 vieraśnia ŭ h. Minsku supracoŭnikami HUBAZiK była zatrymanaja kaardynatarka Vałanciorskaj słužby PC «Viasna» Marfa Rabkova. Razam z Marfaj byŭ zatrymany taksama jaje muž Vadzim Žaromski, jaki paźniej byŭ vyzvaleny.
U kvatery, dzie jany žyvuć, byŭ praviedzieny pieratrus, vyniataja technika, asabistyja hrošy i rečy.
Marfa Rabkova źjaŭlajecca siabroŭkaj PC «Viasna», kaardynatarkaj Vałanciorskaj słužby arhanizacyi. U miežach svajoj pravaabarončaj dziejnaści Marfa, razam z vałanciorami PC «Viasna», ažyćciaŭlała nazirańnie za praviadzieńniem mirnych schodaŭ, prymała aktyŭny ŭdzieł u kampanii niezaležnaha nazirańnia «Pravaabaroncy za svabodnyja vybary», udzielničała ŭ dakumientavańni śviedčańniaŭ katavańniaŭ i inšych žorstkich vidaŭ abychodžańnia ŭ dačynieńni da zatrymanych udzielnikaŭ akcyj pratestu.
