Abłasnyja ŭpraŭleńni Biełstata apublikavali rehijanalnuju statystyku ab kolkaści žycharoŭ krainy, jakija nazvali tuju ci inšuju movu rodnaj.
Na heta źviarnuła ŭvahu karparatyŭnaje vydańnie «Alfa-Banka».
Dzień vyšyvanki. Fota Siarhieja Hudzilina
«Naša Niva» naličyła 11 rajonaŭ, u bolš za 80% nazvali biełaruskuju movu rodnaj:
- Hancavicki rajon (90,8%)
- Stolinski (89,7%)
- Łuniniecki (88,2%)
- Lachavicki (87,4%)
- Klecki (85,7%)
- Iŭjeŭski (84,6%)
- Karelicki (83,8%)
- Ivacevicki (83,5%)
- Drahičynski (83,2%)
- Kapylski (83,2%)
- Janaŭski (82,8%)
Na karcie «Alfa-banka» taksama adznačanyja Pinski i Baranavicki rajon, adnak nie ŭličanyja sami harady. U cełym ža biełaruskaj movu ŭ jakaści rodnaj nazvali 71,2% žycharoŭ Bresta i rajona, a taksama 77% žycharoŭ Baranavičaŭ i rajona.
Najmienšy pracent tych, chto nazvaŭ biełaruskuju movu ŭ jakaści rodnaj, zafiksavany ŭ Dobrušskim rajonie (23,4%). Taksama nizkija značeńni na advarotnym baku karty, u Brasłaŭskim rajonie — 37,4%.
U bujnych haradach uschodu krainy biełaruskuju movu nazvali kala 40% žycharoŭ, u astatnich rehijonach ličba vyšejšaja.
