Žančyny, jakija pierachvareli na COVID-19, mohuć pieradavać dzieciam antycieły da virusa z hrudnym małakom, adnak jany razburajucca, jak tolki maci pierastaje karmić dzicia hrudźmi. Pra heta paviedamiŭ TASS śpiecyjalist Centralnaha NDI epidemijałohii Rasspažyŭnahladu Alaksandr Harełaŭ.
Harełaŭ adznačyŭ, što kancentracyja antyciełaŭ va ŭsich roznaja i zaležyć ad formy pieraniesienaj infiekcyi. Tak, pry bieśsimptomnym charaktary vypracoŭvajecca małaja kolkaść antyciełaŭ, i nieviadoma, ci sfarmujecca achoŭnaja reakcyja arhanizma.
«Hrudnoje małako abaraniaje ad bolšaści infiekcyj, ale mnohaje vyznačaje kancentracyja antyciełaŭ u im. Achoŭny efiekt apisany tolki na pieryjad karmleńnia hrudźmi, jak tolki spyniajecca karmleńnie, na žal, dzicia stanovicca absalutna biezabaronnym da karanavirusnaj infiekcyi. Tamu i rekamiendujuć va ŭsie takija ŭzdymy epidemij maksimalna doŭha zachoŭvać hrudnoje karmleńnie», — rastłumačyŭ Harełaŭ.
Pa słovach ekśpierta, vypadki pieradačy karanavirusnaj infiekcyi ad maci da płodu praz płacentu jašče nie apisanyja, adnak najaŭnaść virusa ŭ žančyny moža ŭpłyvać na chadu ciažarnaści.
Zaražeńnie dziciaci karanavirusnaj infiekcyjaj mahčyma ŭžo paśla jaho naradžeńnia, kali chvoraja maci nie vykonvaje masačny režym i hihijeničnyja patrabavańni.
«Kali žančyna ŭ stacyjanary znachodzicca ŭ vostrym pieryjadzie infiekcyi, možna davać tolki scedžanaje małako, a kali ŭ jaje lohkaja forma, to jana moža karmić hrudźmi, ale vykonvajučy patrabavańni hihijeny», — rastłumačyŭ Harełaŭ.
