Josvydas Elinskas, DELFI
Premjer-ministr Litvy Saŭlus Skviarnialis u piatnicu acaniŭ zajavy Alaksandra Łukašenki ab tym, što kraina zakryvaje miežy z Zachadam, u pieršuju čarhu ź Litvoj i Polščaj. Skviarnialis skazaŭ, što pakul — heta ŭsiaho tolki hučnyja słovy, pakolki miaža Litvy i Biełarusi nie zakrytaja, piša delfi.lt.
Jon skazaŭ, jakim moža być adkaz Biełarusi. «U takim vypadku i biełaruskija ciahačy nie zmohuć patrapić ni ŭ Litvu, ni ŭ Polšču. Mabyć, heta stała b jašče adnym surjoznym udaram pa ekanomicy krainy. Ja nie dumaju, što heta budzie zroblena, ale, kali budzie, adkaz budzie adekvatnym», — skazaŭ premjer.
Jon zaŭvažyŭ, što na roznyja siektary hetyja rašeńni akažuć rozny ŭpłyŭ, ale heta nie budzie dla nas «vielmi surjoznym udaram».
Skviarnialis skazaŭ, što, mahčyma, meta takich zajaŭ — uździejańnie na biełarusaŭ.
«Im chočuć pakazać, što vorah za miažoj, što samy vialiki vorah — susied, tak biełaruskamu hramadstvu viešajuć łokšynu pra ŭjaŭnych vorahaŭ», — skazaŭ kiraŭnik urada