Aficyjny pradstaŭnik Dziaržaŭnaha pamiežnaha kamiteta Anton Byčkoŭski paćvierdziŭ «Svabodzie», što vialikaja hrupa chasidaŭ na aŭtobusach viartajecca na terytoryju Biełarusi.
U viedamstvie zajavili, što 570 chasidaŭ prachodziać biełaruski pašpartny kantrol i arhanizavana sadziacca ŭ aŭtobusy. Tam nie vyklučajuć, što da viečara 18 vieraśnia, kali budzie adznačacca judejski Novy hod, nikoha z pałomnikaŭ na miažy nie zastaniecca.
Ci heta ich samastojnaje rašeńnie abo vynik taho, jak niejkim čynam paspryjali biełaruskija ŭłady, nie ŭdakładniajecca.
Ahułam bolš za 1500 čałaviek sprabavali trapić u horad Umań, dzie pachavanyja pačynalniki ruchu chasidaŭ. Adnak Kabiniet ministraŭ Ukrainy ŭ metach baraćby z raspaŭsiudam karanavirusa ŭvioŭ abmiežavańni na ŭjezd zamiežnikaŭ da 28 vieraśnia.