Ministerstva zamiežnych spraŭ adznačyła ahresiŭny charaktar rezalucyi Jeŭraparłamienta pa Biełarusi i adsutnaść u joj kanstruktyŭnych tezaŭ.
U źniešniepalityčnym viedamstvie sa škadavańniem kanstatavali: «Taksama my pierakanalisia ŭ nierazumieńni pracesaŭ, jakija adbyvajucca ŭ Biełarusi, i absalutnaj adarvanaści ad realij, za što hety orhan časta krytykujuć hramadzianie ŭnutry samoha ES. Charakterna, što dakumient nosić vidavočna ahresiŭny charaktar i nie ŭtrymlivaje nivodnaha kanstruktyŭnaha albo ŭzvažanaha tezisa».
U MZS padkreślili, što jeŭraparłamientaryjam nie pieraškodzili b minimalnyja viedy mižnarodnaha prava i pavaha suvierenitetu inšych krain.
U biełaruskim Ministerstvie zamiežnych spraŭ paraili: «Zamiest pryniaćcia padobnych dakumientaŭ varta było b zadumacca pra toje, jak realna padtrymać suvierenitet, niezaležnaść i stabilnaść svajho susieda i tym samym unieści ŭkład u stabilnaje i ŭstojlivaje raźvićcio svajho ž jeŭrapiejskaha kantynienta».