Urady Litvy i Polščy padpisali dekłaracyju, u jakoj paabiacali dapamohu «biełarusam u ich imknieńni žyć u svabodnaj i demakratyčnaj krainie», piša Interfaks.
«My padtrymlivajem imknieńnie biełarusaŭ žyć u svabodnaj i demakratyčnaj krainie, z kiravańniem lidaraŭ, jakija b byli abranyja na svabodnych i sumlennych vybarach», — havorycca ŭ dakumiencie, padpisanym u čaćvier u Vilni premjerami dźviuch krain Saŭlusam Skviarnialisam i Matevušam Maravieckim.
Litva i Polšča zaklikali «jak maha chutčej pravieści svabodnyja i demakratyčnyja vybary» ŭ Biełarusi.
U dakumiencie padkreślivajecca, što ŭrady dźviuch krain taksama zaćvierdzili miery padtrymki biełarusam, jakija stali «achviarami represij i ludziam, jakim patrabujecca miedycynskaje lačeńnie abo dapamoha».