Ministr vyšejšaj adukacyi i vodnych resursaŭ Izraila Zieeŭ Elkin zaklikaŭ u čaćvier izrailskich pałomnikaŭ-chasidaŭ, jakija sprabujuć prajechać u horad Umań na terytoryi Ukrainy, dzie znachodzicca mahiła duchoŭnaha nastaŭnika ruchu bracłaŭskich chasidaŭ — rebe Nachmana, — viarnucca dadomu. Adpaviednuju zajavu jon apublikavaŭ u Twitter, piša TASS.
«Niahledziačy na šmatlikija sproby dapamahčy izrailcianam, jakija sprabujuć trapić na terytoryju Ukrainy praź Biełaruś abo Małdovu, siońnia ranicaj ŭkrainskija ŭłady dali kančatkovy admoŭny adkaz. Ukraincy zajavili, što nie dazvolać ŭjezd praz pamiežnyja pierachody», — napisaŭ Elkin. «Ja zaklikaju našych hramadzian viarnucca ŭ Izrail i vykonvać zahady pa samaizalacyi pa viartańni», — dadaŭ jon.
Raniej u čaćvier daradca kiraŭnika ŭkrainskaha MUS Michaił Apostał zajaviŭ, što «Ukraina ŭ suviazi z pandemijaj zakryła miežy dla zamiežnikaŭ». Jon padkreśliŭ, što «vyklučeńniaŭ dla chasidaŭ nie budzie».
Na miažy Biełarusi i Ukrainy znachodzicca kala 1200 pałomnikaŭ. Biełaruskija pamiežniki ich prapuścili, a ŭkraincy nie puskajuć na svaju terytoryju.
«Svaju nabožnaść jany prajaŭlajuć šumna i viesieła». Chto takija chasidy i što im treba va Ukrainie?
Ukraina zaklikała kiraŭnictva Biełarusi pierastać stvarać dadatkovaje napružańnie ŭ suviazi z chasidam
