Abanienty A1 u Minsku skardziacca na prablemy z dostupam u internet — pryčym jak pa fiksavanaj, tak i mabilnaj suviazi, piša TUT.by.
Pa słovach adrazu niekalkich abanientaŭ kampanii, ciažkaści z dostupam u sietku pa fiksavanym złučeńni jość jak minimum u niekalkich rajonach horada — naprykład, u Sucharava i Kamiennaj Horcy, a taksama kala stancyi mietro «Instytut Kultury». Zrešty, karystalniki śćviardžajuć: kali ŭklučyć VPN, to suviaź adnaŭlajecca.
Prykładna pra heta ž kažuć abanienty mabilnaha internetu kampanii. Praŭda, tam situacyja krychu inšaja — Telegram i inšyja miesiendžary pracujuć, a bolšaść sajtaŭ albo hruziacca pa niekalki chvilin, albo nie zahružajucca zusim. Ź internetam ad inšych kampanij — jak praź fiksavany, tak i mabilny dostup — na momant publikacyi natatki asablivych prablem niama.
«U ciapierašni čas u niekatorych abanientaŭ A1 sietki fiksavanaj i mabilnaj suviazi mohuć naziracca ciažkaści z dostupam u internet. Śpiecyjalisty ŭžo pracujuć nad jaho adnaŭleńniem. Prynosim prabačeńni za časovyja niazručnaści», — kamientuje A1.
