Biełaruskija sacyjalnyja sietki ŭzarvalisia paśla publikacyi statystyki ab kolkaści vieteranaŭ Vialikaj Ajčynnaj vajny, jakija pamierli viasnoj 2020 hoda, padčas epidemii karanavirusa. Uvahu na anamalnyja ličby źviarnuŭ błohier Juryj Kulikoŭ.
9 maja 2019 u Minsku, fota Nadziei Bužan
Ministerstva pracy i sacyjalnaj abarony zvyčajna publikuje statystyku ab kolkaści vieteranaŭ i ŭdzielnikaŭ vajny niekalki razoŭ na hod — u studzieni, krasaviku (pierad 9 Maja) i kastryčniku. U hetym hodzie vyrašyli infarmavać čaściej, tamu źjavilisia źviestki jašče i za maj, i za lipień.
Jany šakujuć. Za krasavik-červień 2020 hoda kolkaść vieteranaŭ źmienšyłasia na 45%.
- 04.2013 — 25312
- 04.2014 — 20700 (18% za hod)
- 04.2015 — 16800 (19% za hod)
- 04.2016 — 13700 (18% za hod)
- 04.2017 — 10746 (22% za hod)
- 04.2018 — 8412 (22% za hod)
- 04.2019 — 6250 (26% za hod)
- 04.2020 — 4806 (43% za hod)
- 05.2020 — 4700
- 07.2020 — 2639 (45% za try miesiacy).
Udakładnim, što, pavodle biełaruskaha zakanadaŭstva, u lik vieteranaŭ uvachodziać tyja, chto zmahaŭsia z antysavieckim padpollem na terytoryi Biełarusi, Ukrainy i krain Bałtyi až da 1951 hoda.