Tradycyjny subotni Žanočy marš 12 vieraśnia pačaŭsia dramatyčnym supraćstajańniem, ale žančyny ŭsio ž vyrvalisia na praśpiekt Niezaležnaści.
Udzielniki ŭziali z saboj fatahrafii i płakaty ŭ padtrymku ŭsich represavanych biełarusak.
Siarod patrabavańniaŭ pratestoŭcaŭ: spynieńnie hvałtu i rasśledavańnie pa ŭsich faktach jaho prymianieńnia, svaboda palitviaźniam, novyja sumlennyja vybary biez Łukašenki.
A 15.00 pačalisia pieršyja zatrymańni.
Dziaŭčaty akružyli mašynu, nie davali prajechać busu ź cicharami.
AMAP akružyŭ natoŭp na płoščy Svabody, žančyny kryčać «Nas dušać!»
Kałona žančyn pajšła ad Vierchniaha Horada pa vulicy Bahdanoviča ŭ bok Opiery. Čatyry mienšyja hrupy jašče stajać kala saboraŭ i hatela Jeŭropa.
Kałona demanstrantak sfarmiravałasia na vulicy Janki Kupały. Jana raściahnułasia ad Opiery da Vostrava Śloz pry kałasalnaj padtrymcy aŭtamabilistaŭ.
Tysiačy demanstrantak vyjšli na praśpiekt Niezaležnaści i pajšli ŭ bok płoščy Pieramohi.
DAI pierakryła skrazny prajezd pa praśpiekcie Niezaležnaści ad cyrka. Pa praśpiekcie Niezaležnaści da płoščy Pieramohi pryjšli tysiačy demanstrantak.
Tysiačy demanstrantak dajšli da płoščy Jakuba Kołasa, a potym da Akademii Navuk.
Niahledziačy na žorstkija zatrymańni napačatku, kolkaść demanstrantak u rajonie płoščy Jakuba Kołasa dasiahnuła toj, jakaja była tydzień i dva tydni tamu. Tut.baj aceńvaje ahulnuju kolkaść demanstrantak u 10 tysiač čałaviek.
Kałona demanstrantak potym pačała viartajecca ŭ centr. Jana raściahnułasia ad Fiłarmonii da vulicy Daraševiča. Žančyny brazhajuć u kastruli i skandujuć «Pašoł von, ty i tvoj AMON».
Kałona pratestujučych žančyn dajšła da płoščy Pieramohi. Demanstrantki praskandavali «Da zaŭtra!» i pastupova razyšlisia.