U Minsku raspačata kryminalnaja sprava pa fakcie «arhanizacyi i ŭdziełu ŭ parušeńni hramadskaha paradku». Ab hetym BiełTA paviedamili ŭ Śledčym kamitecie.
«Pa fakcie arhanizacyi i aktyŭnaha ŭdziełu ŭ hrupavych dziejańniach, jakija hruba parušajuć hramadski paradak 6 vieraśnia ŭ centralnaj častcy horada Minska, spałučanych ź vidavočnym niepadparadkavańniem zakonnym patrabavańniam supracoŭnikaŭ milicyi, a taksama jakija paciahnuli za saboj parušeńnie pracy hramadskaha transpartu, ustanoŭ i arhanizacyj raspačata kryminalnaja sprava pa č. 1 art. 342 KK. Usie raźmieščanyja ŭ internecie videamateryjały vyvučajucca śledčymi», — raspaviali ŭ SK.
Uron kamunalnamu pradpryjemstvu z-za spynieńnia ruchu, pavodle SK, skłaŭ bolš za Br30 tys.
Padazravanymi pa spravie źjaŭlajucca čaćviora hramadzian va ŭzroście ad 18 da 32 hadoŭ, paviedamili śledčyja.
Akramia hetaha, 18-hadovaja dziaŭčyna, jakaja raśpisała bałončykami amapaŭskija ščyty, pryznanaja padazravanaj pa kryminalnaj spravie pa č. 2 art.339 (Chulihanstva) KK.
«Likvidacyja nastupstvaŭ biesparadkaŭ na staličnych vulicach kaštuje značnych srodkaŭ, i nieabchodna, kab tyja, chto ŭčyniŭ škodu, kampiensavali adpaviednyja vydatki», — kazaŭ učora Łukašenka padčas vystupu ŭ Hienprakuratury.
