RBK-Ukraina
Prezident Ukrainy Uładzimir Zialenski ličyć małavierahodnym, što ciapierašnija pratesty ŭ Biełarusi pryviaduć da pavieličeńnia ŭpłyvu Rasii na krainu, piša «Radyjo Svaboda».
«Rasija zaŭsiody mieła mocny ŭpłyŭ na Biełaruś. Siońnia biełaruski narod zmahajecca za spraviadlivaść, svabodnyja i sumlennyja vybary. Hetaja baraćba nie spynicca, ale ja nie dumaju, što jana sumiaščalnaja z uzmacnieńniem upłyvu Rasii na Biełaruś», — skazaŭ Uładzimir Zialenski ŭ intervju najbujniejšamu ŭ Izraili vydańniu The Jerusalem Post.
«Biełaruski narod choča sapraŭdnaj, a nie rasijskaj «demakratyi». U lubym razie my nie padtrymlivajem umiašańnie luboj dziaržavy va ŭnutrypalityčnuju situacyju ŭ Biełarusi, i my ličym, što biełaruski narod pavinien sam vyrašyć, jak ruchacca ŭ budučyniu i što jon choča», — dadaŭ Uładzimir Zialenski, adkazvajučy na pytańnie, ci nie vyklikaje ŭ jaho zaniepakojenaść, što situacyja ŭ Biełarusi pryviadzie da daminavańnia Rasii va ŭsioj Uschodniaj Jeŭropie.
