Były kiraŭnik Hałoŭnaha dziaržaŭna-pravavoha ŭpraŭleńnia Administracyi prezidenta Alaksandr Płaskavicki ličyć, što Alaksandr Łukašenka sam siabie zrabiŭ falšyvym prezidentam.
— Pryčym całkam aficyjna — paśla adnaho sa šmatlikich vypadkaŭ parušeńnia ciapierašniaj Kanstytucyi, — kaža Alaksandr Płaskavicki «Narodnaj Voli». — Zhodna z častkaj pieršaj artykuła 83 dziejučaj Kanstytucyi, «prezident ustupaje na pasadu paśla pryniasieńnia prysiahi», a sama hetaja prysiaha, zhodna z častkaj treciaj toj ža artykuła, «prynosicca ŭ prysutnaści deputataŭ Pałaty pradstaŭnikoŭ i členaŭ Savieta Respubliki, sudździaŭ Kanstytucyjnaha, Viarchoŭnaha i Vyšejšaha haspadarčaha sudoŭ».
— Miž tym Łukašenka, naplavaŭšy na litaru Asnoŭnaha zakona, pazbaviŭ krainu Vyšejšaha Haspadarčaha suda dekretam №6 ad 29 listapada 2013 hoda «Ab udaskanaleńni sudovaj sistemy Respubliki Biełaruś».
Tym samym jaho prysiaha, pramoŭlenaja 6 listapada 2015 hoda, niesapraŭdnaja de-jure pa čysta farmalnaj (pryčym absalutna biassprečnaj) padstavie! Takim čynam, navat pa hetaj padstavie Alaksandr Łukašenka pierastaŭ być prezidentam 22 studzienia 2016 hoda (paśla zakančeńnia čaćviortaha terminu jaho paŭnamoctvaŭ).
