Praktyka dystancyjnaha navučańnia dziaciej na damu za miažoj i ŭ Biełarusi pakazała šerah niehatyŭnych momantaŭ. Pra heta havorycca ŭ paviedamleńni nahladnaha viedamstva, raźmieščanym u aficyjnym Telegram-kanale Hienprakuratury.
Hienprakuratura adznačaje, što pry navučańni doma baćkam treba pastajanna kantralavać hety praces, inakš mohuć być ciažkaści z arhanizacyjaj režymu dnia i charčavańnia dziaciej, dyscyplinaj. Siamja moža sutyknucca z dadatkovymi materyjalnymi vydatkami. Praktyčnyja ŭroki, naprykład chimija, fizika, hieahrafija, bijałohija, muzyka, fizkultura, patrabujuć śpiecyjalnaha abstalavańnia, jakoha doma, jak praviła, niama. Bolš za toje, baćkam nie mohuć być dastupnyja ŭsie śfiery viedaŭ, tamu niemahčyma arhanizavać jakasnaje navučańnie pa pradmietach. Dzicia realna izalavana, z-za čaho ŭ jaho drenna farmujucca navyki sacyjalnaj kamunikacyi, u tym liku z procilehłym połam, a taksama vopyt vyrašeńnia kanfliktaŭ i prablem, niama mahčymaści realizavać lidarskija zdolnaści.
Nahladnaje viedamstva pałochaje, što da baćkoŭ, jakija pieraškadžajuć atrymańniu dziciem ahulnaj bazavaj adukacyi ŭ luboj formie, dziaržava moža pryniać peŭnyja miery.
