MUS Biełarusi fiksuje fakty zvalnieńnia supracoŭnikaŭ «pad upłyvam destruktyŭnaj ahitacyi» i z-za «zambavańnia ŭ ŚMI», ale jany nie masavyja, zajaviŭ načalnik hałoŭnaha ŭpraŭleńnia ŭłasnaj biaśpieki Ministerstva Andrej Paršyn, pieradaje «Interfaks».
Pa słovach Paršyna, asobnyja supracoŭniki, «jakija zajavili pra svaju niejkuju prynaležnaść da tych ci inšych palityčnych płyniaŭ i skłali svaje paŭnamoctvy», užo źviartajucca z prośbaj ab viartańni na słužbu. MUS, u svaju čarhu, razhladaje pytańnie ab metazhodnaści ich paŭtornaha pryjomu.
Supracoŭniki, jakija paŭtorna viartajucca na słužbu, tłumačać, što «padvierhlisia ŭpłyvu telehram-kanałaŭ i sacyjalnych sietak, destruktyŭnaj ahitacyi i zambavańniu ŭ ŚMI», a ciapier «uśviadomili pravilna situacyju», raspavioŭ Paršyn.
