Tak prachodzić sud. Amapaŭcy-śviedki ŭ bałakłavach, Tut.by
U Minsku prachodziać sudy nad zatrymanymi 1 vieraśnia paśla akcyi studentaŭ žurnalistami. Jak vyśvietliłasia, sakretnaj infarmacyjaj źjaŭlajecca nie tolki realnaje imia śviedak — bajcoŭ AMAP, ale navat u što jany byli apranutyja, piša Tut.by.
Na pracesie pa spravie Maryi Eleševič advakat Andrej Mačałaŭ spytaŭ, jakija štany byli ŭ śviedki Andreja Mlečki (heta treba, kab apaznać jaho na videazapisach).
— Ja nie mahu skazać, heta sakretnaja infarmacyja, mnie jašče pracavać, — zajaviŭ amapaviec.
— Vysoki sud! Heta ździek z pravasudździa, — aburyŭsia advakat.
— Vy možacie adkazać na pytańnie? — udakładniła sudździa.
— Nie, ja nie budu, ja supracoŭnik śpiecpadraździaleńnia, mnie jašče pracavać, — kaža Mlečka. Advakat pierakanany, što heta niesapraŭdnaje proźvišča.
