U mienski ofis IT-kampanii PandaDoc 2 vieraśnia pryjechali ź pieratrusam supracoŭniki Departamentu finansavych raśśledavańniaŭ Kamitetu dziaržkantrolu, piša «Radyjo Svaboda».
Raniej Mikita Mikada zapuściŭ inicyjatyvu dapamohi supracoŭnikam siłavych viedamstvaŭ, jakija pakinuć słužbu. Na hety momant apracavali bolš za 300 zajavak i ŭchvalili paŭsotni vypłat.
U interviju kanału «Nastojaŝieje vriemia» Mikita Mikada raskazaŭ, z čym źviazvaje pieraśled.
— Ja try tydni tamu zapisaŭ videa paśla pabačanaha hvałtu na vulicach Miensku pra toje, što ja padtrymaju ŭsich, kaho represujuć u vypadku, kali jany admoviacca vykonvać złačynnyja zahady. Mnie nie było zrazumieła, jak, čamu ludzi vykonvajuć zahad bić i katavać. Ja niejak chacieŭ heta spynić. Mnie zdavałasia, što, moža być, hetyja ludzi bajacca zastacca biaz pracy.
— Chto-niebudź pryjšoŭ da vas za dapamohaj u vyniku?
— Sotni čałaviek. Patok byŭ taki vialiki, što daviałosia ź siabroŭ źbirać kamandu, stavić heta na patok. Nam vyklikaŭsia dapamahać fond, jaki chłopcy arhanizavali praz fejsbuk. Dvaccać tysiač čałaviek achviaravali srodki dla taho, kab hety fond moh štości rabić.
— To-bok vaš prajekt realna paŭpłyvaŭ na sytuacyju ŭ siłavych strukturach krainy?
— Ja nia viedaju. Ale ja viedaju, što zajavy vyšejšaha kiraŭnictva siłavych strukturaŭ na hetuju temy byli. Ułasna kažučy, hety rejd — heta paćvierdžańnie tamu, što nas sprabujuć zapužvać i robiać heta praź biznes, jaki, u pryncypie, uvohule ni pry čym.
…
— Što z vašym biznesam u Biełarusi budzie? Niemaleńkim, darečy, i davoli viadomym biełaruskim IT-biznesam? U hetaj sytuacyi paśla pieratrusu. Jak vy aceńvajecie jahonyja perspektyvy?
— Ja vieru ŭ lepšaje. Ja nikoli nia bačyŭ biełaruski narod takim zhurtavanym. Ja vielmi spadziajusia na pieramieny. U vypadku pieramienaŭ u krainie, spynieńnia hvałtu, spynieńnia represij my praciahniem raści hod za hodam u Respublicy Biełaruś. Ja biełarus, ja vielmi chaču, kab maja krain kvitnieła, a nie pieratvarałasia ŭ Paŭnočnuju Kareju ŭ centry Eŭropy.
— Vašyja supracoŭniki zakładniki, jak vy ličycie?
— Viadoma.
— Kolki čałaviek ciapier znachodziacca na dopycie ŭ KDB i ŭvohule nieviadoma dzie?
— Pavodle našaj infarmacyi, čatyroch čałaviek ciapier utrymlivajuć.
— Kolki ŭsiaho ŭ vas ludziej pracuje ŭ Biełarusi?
— Ja nie mahu skazać, kolki ciapier znachodziacca ŭ Biełarusi, bo šmat chto vyjechaŭ z krainy. Ale ŭsiaho 270 supracoŭnikaŭ u nas u Miensku.
— Vy dumajecie, što vašyja supracoŭniki padtrymlivajuć vas?
— Pavodle apytańniaŭ, ja dumaju, što bolšaść [padtrymlivaje]. Što našyja supracoŭniki? Uvohule ŭ pryncypie ŭ Biełarusi bolšaść ludziej padtrymlivajuć pieramieny.
