Alaksandr Łukašenka chacieŭ stvaryć i ŭznačalić sajuz pamiž Ukrainaj i Biełaruśsiu. Takuju prapanovu jon nibyta ahučyŭ jeŭrapiejskim palitykam u 2014 hodzie. Takuju inicyjatyvu Łukašenka nibyta vykazaŭ u telefonnaj razmovie z tahačasnym premjer-ministram Polščy Donaldam Tuskam, paviedamlaje Onet.pl.
Fota Nadziei Bužan
Łukašenka pierakonvaŭ Tuska, što moža być harantam rašeńnia kanfliktu. I prasiŭ padtrymać ideju biełaruska-ŭkrainskaha sajuza, dzie jon byŭ by prezidentam abiedźviuch krain.
Na dumku byłoha polskaha premjera, Łukašenka vysunuŭ takuju prapanovu nie z metaj vyratavać Ukrainu, a bajučysia stracić uładu.
«Łukašenka bajaŭsia niekantralujemaha raźvićcia padziej, kali Kreml jašče moh napaści na Biełaruś. Heta mahło aznačać jaho kaniec», — rastłumačyŭ Tusk.
I padkreśliŭ, što razmova z Łukašenkam prachodziła ŭ samy haračy pieryjad ahresii Rasii suprać Ukrainy ŭ 2014 hodzie.
