U MZS 27 žniŭnia byŭ vyklikany časovy pavierany ŭ spravach Polščy ŭ Biełarusi Marcin Vajciachoŭski. Jamu zajaŭleny «rašučy pratest u suviazi ź vidavočnymi sprobami polskaha boku niepasredna ŭmiešvacca va ŭnutranyja spravy Biełarusi».
«Źviernuta ŭvaha na ahučanyja apošnimi dniami vidavočna niedružalubnyja, niedapuščalnyja ŭ miždziaržaŭnych znosinach zajavy z boku šerahu polskich palitykaŭ i słužbovych asob. Padkreślena kontrpraduktyŭnaść jakich-niebudź dalejšych sprobaŭ źniešniaha cisku na Biełaruś, a taksama zaklikaŭ da parušeńnia suvierenitetu i terytaryjalnaj cełasnaści našaj krainy», — adznačyŭ Anatol Hłaz.
Nahadajem, 27 žniŭnia ŭ suviazi ź nieadnarazovymi nieabhruntavanymi abvinavačvańniami ŭładaŭ Biełarusi na adras Polščy pasoł Biełarusi byŭ vyklikany ŭ Ministerstva zamiežnych spraŭ Polščy.
Łukašenka nie raz zajaŭlaŭ pra toje, što Polšča «choča adsiekčy Hrodzienskuju vobłaść».
