Daśledčaja hrupa vpnMentor vyjaviła ŭ adkrytym dostupie źviestki bolš za 20 miljonaŭ karystalnikaŭ biaspłatnych VPN-servisaŭ. Pra heta paviedamlajecca na sajcie arhanizacyi.
Śpiecyjalisty vyśvietlili, što na nieabaronienym sierviery znachodziacca źviestki dadatkaŭ UFO VPN, Fast VPN, Free VPN, Super VPN, Flash VPN, Secure VPN i Rabbit VPN, u tym liku elektronnyja adrasy, niezašyfravanyja paroli, IP- i chatnija adrasy. Adznačajecca, što mnohija dadatki naličvajuć bolš za miljon zapampovak u kramach Google Play i AppStore.
Ekśpierty miarkujuć, što karystalniki nie sutyknucca z surjoznymi prablemami, razam z tym jany dapuścili, što heta moža pryvieści da spamu i fišynhavych rassyłak.
Raniej ekśpierty kampanii Avast, jakaja śpiecyjalizujecca na ličbavaj biaśpiecy, vyjavili ŭ kramie dadatkaŭ App Store machlarskija VPN-dadatki, adznačaje ria.ru.
Dadatki adnosiacca da katehoryi fleeceware — majuć nievialiki biaspłatny vyprabavalny pieryjad vykarystańnia i dalejšuju płatnuju padpisku. Pry hetym, kali paśla zakančeńnia biaspłatnaha pieryjadu karystalnik prosta vydalić hety dadatak, nie admianiajučy padpisku, hrošy za jaho vykarystańnie praciahnuć śpisvacca.
