Fota Nadziei Bužan
Śviatłana Cichanoŭskaja parazmaŭlała z presaj pa vychadzie z CVK. Siońnia jaje zarehistravali kandydatam u prezidenty.
«Źmiešanyja pačućci, kaniečnie. Ale bolš radaści praz toje, što ja dalej zmahu zmahacca za svajho muža i ludziej Respubliki Biełaruś», — skazała jana.
Ci viedaje Cichanoŭskaja jak budzie prachodzić jaje kampanija?
«Kaniečnie, ja viedaju, jak budzie prachodzić maja kampanija. Mahčyma, buduć niejkija źmieny ŭ suviazi ź nierehistracyjaj pretendentaŭ [Babaryki i Capkały — NN]. Ale kaściak u nas jość».
U svajoj pramovie jana padziakavała Andreju Dźmitryjevu: «Jamu atrymałasia skazać toje, što adčuvaje kožny biełarus, jon heta dobra patłumačyŭ. Ja tolki padziakavała svaim prychilnikam. Krychu bolš za sto čałaviek sabrali sto tysiač podpisaŭ — heta podźvih».
Jak kandydatka pastaviłasia da taho, što nie zarehistravali Viktara Babaryku?
«Rasstrojenaja — heta nie tyja pačućci. Ja dumała, što jaho zarehistrujuć jak jašče adnaho alternatyŭnaha kandydata. Ale, mahčyma, jaho prosta spałochalisia», — skazała Śviatłana.
Cichanoŭskaja nie vyklučaje abjadnańnia ź inšymi ŭdzielnikami prezidenckaj kampanii. «Mahčyma, heta metazhodna».
«Siaroža, ja ciabie mocna kachaju. Ja heta rablu tolki dla ciabie i tych ludziej, jakija ŭ ciabie pavieryli, dziela tych, chto da nas jašče dałučacca», — skazała kandydatka, kali źviartałasia da muža.
«Jon u karcary, i jaho sprabujuć złamać. Ale jon mocny ducham i nie złamajecca. Jon ciapier u infarmacyjnym vakuumie», — zapeŭniła Cichanoŭskaja.
Čytajcie taksama: Babaryku źniali z vybaraŭ