Advakaty Viktara Babaryki Natalla Mackievič i Dźmitryj Łajeŭski padali ŭ Hienprakuraturu skarhu nakont «śpiecrasśledavańnia» ANT ab tak zvanaj «spravie Biełhazprambanka» z kadrami vočnych stavak Viktara Babaryki ź jaho byłymi padnačalenymi, piša Tut.by.
Nahadajem, 9 lipienia na ANT vyjšła «śpiecrasśledavańnie» z kadrami vočnaj staŭki Viktara Babaryki z byłymi padnačalenymi. U filmie prahučała, što zatrymali bolš za 20 čałaviek, «fihuranty aktyŭna supracoŭničajuć sa śledstvam». Ad pradstaŭnika KDB u siužecie prahučała, što «śledstva maje nieabvieržnyja dokazy datyčnaści ŭsich fihurantaŭ kryminalnaj spravy da inkryminavanych im złačynstvaŭ».
Advakaty Babaryki Alaksandr Pylčanka, Natalla Mackievič i Dźmitryj Łajeŭski ličać, što videamateryjał, pakazany na ANT, vychodzić za ramki i biełaruskaha zakanadaŭstva, i mižnarodnaha prava.
