Padčas sustrečy Łukašenki z supracoŭnikami dziaržaŭnych ŚMI palityčny kamientatar BT Andrej Kryvašejeŭ atrymaŭ ad kiraŭnika dziaržavy dakumient z sacyjałahičnymi źviestkami, jaki nibyta kładuć na stoł Łukašenki.
Pavodle hetaha dakumienta, uzrovień davieru da Łukašenki dasiahnuŭ 76%.
Siońnia telehram-kanał «Puł pieršaha» apublikavaŭ videa, na jakim Łukašenka pieradaŭ Kryvašejevu hety «sakretny» dakumient.
Kryvašejeŭ zadaŭ mudrahielistaje pytańnie pra toje, jak spałučyć sacyjałohiju z žurnalistykaj, i pra toje, što ŭładam treba navučycca ŭ publičnaj prastory pracavać ź ličbami.
«Ja tak razumieju, što namiok pra 3%», — hučyć hołas Natalli Ejsmant.
«Dyk ty i kažy pra 3%. Mnie lohka hety fejk abvierhnuć. Ja zaŭsiody imknusia paviarnuć heta na svaju karyść. Nu chto ŭ hetaj aŭdytoryi, aśviečanaj samaj, pavieryć, što ŭ dziejnaha prezidenta 3%? Dyk jany sami nie vierać, tamu pierastali ciapier piedaliravać hetuju temu. Niama čaho hrachi taić, my pravodzim sacyjałahičnyja daśledavańni zakrytaha charaktaru», — skazaŭ Łukašenka.
Paśla hetaha jon paprasiŭ dać Kryvašejevu hety «sakretny» dakumient.
«Publikavać ich my niejak nie vyrašalisia, ale kali ty ŭzdymaješ hetaje pytańnie, značyć, heta aktualna», — kaža Łukašenka Kryvašejevu.
