Minskaha błohiera aštrafavali za roliki z «pravakacyjnymi pytańniami» milicyjanieram, paviedamlaje HUUS Minharvykankama.
Fota Nadziei Bužan
U milicyi zajavili, što žychar Minska stvaryŭ YouTube-kanał, na jakim raźmiaščaŭ videa svaich znosin z supracoŭnikami orhanaŭ unutranych spraŭ. Jon padychodziŭ da ich z kamieraj i zadavaŭ «roznyja pravakacyjnyja pytańni», kab atrymać takija adkazy, jakija možna było b «traktavać ź niehatyŭnaha boku».
Na adnym z rolikaŭ źniali milicyjaniera, jaki achoŭvaŭ hramadski paradak u centry Minska padčas śviatkavańnia Dnia Niezaležnaści. Inšaje videa było zroblena ŭ pamiaškańni apieratyŭna-dziažurnaj słužby rajonnaha UUS, dzie zdymka zabaronienaja.
Błohiera aštrafavali za pryčynieńnie maralnaj škody. Jon vydaliŭ roliki sa svajho kanała. Hrošy milicyjaniery pieraličać u dziciačy dom.
