9 lipienia ŭ Hrodnie pablizu doma znajšli sabaku z paškodžańniami. Čałaviek, što telefanavaŭ, vykazaŭ zdahadku, što jaho vykinuli z akna, paviedamlaje milicyja.
Pravaachoŭniki abyšli najbližejšyja damy, apytali miascovych žycharoŭ, ale nichto nie paznaŭ sabaku i nie zmoh nazvać jaho ŭładalnika.
Za žorstkaje abychodžańnie z žyviołaj praduhledžana administracyjnaja i kryminalnaja adkaznaść.
Artykuł 15.45 kodeksa Respubliki Biełaruś ab administracyjnych pravaparušeńniach praduhledžvaje pakarańnie ŭ vyhladzie štrafu ŭ pamiery ad dziesiaci da tryccaci bazavych vieličyń abo administracyjny aryšt.
Artykuł 339/1 kryminalnaha Kodeksa Respubliki Biełaruś — «Žorstkaje abychodžańnie z žyviołaj» — praduhledžvaje pakarańnie hramadskimi pracami, abo štrafam, abo papraŭčymi rabotami na termin da adnaho hoda, abo aryštam. Toje ž dziejańnie, učynienaje paŭtorna abo hrupaj asob, karajecca aryštam, ci abmiežavańniem voli na termin da adnaho hoda, ci pazbaŭleńniem voli na toj ža termin.
